റിയാദ്: അവധിക്കു നാട്ടിലേക്ക് പോയതിനു ശേഷം ലോക് ഡൗണിൽപ്പെട്ട് തിരികെയെത്താൻ കഴിയാത്ത ഡോക്ടർമാരും നഴ്‌സുമാരും അടങ്ങുന്ന ആരോഗ്യപ്രവർത്തകരെ സൗദി അറേബ്യതിരികെയെത്തിച്ചു. ഇന്ത്യയിൽ നിന്നും പ്രത്യേക വിമാനത്തിലാണ് ഇവരെ തബൂക്ക് വിമാനത്തവാളത്തിൽ എത്തിച്ചത്. കേരളം, തമിഴ്‌നാട്, കർണാടക എന്നീ സംസ്ഥാനങ്ങളിൽ നിന്നുള്ള ഡോക്ടർമാരും നഴ്‌സുമാരുമാണ് സംഘത്തിലുള്ളത്.
 ഊഷ്മളമായാണ് ആരോഗ്യ പ്രവർത്തകരെ വിമാനത്താവളത്തിൽ സ്വീകരിച്ചത്. ശേഷം ഇവരെ പ്രത്യേക വാഹനത്തിൽ ക്വാറന്റൈൻ കേന്ദ്രങ്ങളിലേക്ക് മാറ്റി. നിരീക്ഷണ കാലയളവിനു ശേഷം ഇവർ ജോലിയിൽ പ്രവേശിക്കും. കോവിഡ് പ്രതിരോധ പ്രവർത്തനങ്ങൾ ഊർജ്ജിതമാക്കുന്നതിന്റെ ഭാഗമായി വിദേശങ്ങളിൽ കുടുങ്ങിയ ആരോഗ്യ പ്രവർത്തകരെ തിരികെയെത്തിക്കുമെന്ന് സൗദി ഭരണാധികാരി സൽമാൻ രാജാവ് വ്യക്തമാക്കിയിരുന്നു. ഇതിനെ തുടർന്നാണ് നടപടി.

Saudi Arabia