കോഴിക്കോട്: കോഴിക്കോട് കുന്നമംഗലത്ത് വർക്ക് ഷോപ്പിൽ ഉണ്ടായ തീപിടിത്തത്തിൽ 11 ബെൻസ് കാറുകൾ കത്തി നശിച്ചു. വെള്ളിമാട് സ്വദേശിയായ ജാഫറിന്റെ ഉടമസ്ഥതയിലുള്ള എമിറേറ്റ്സ് എന്ന വർക്ക് ഷോപ്പിലാണ് ഇന്ന് പുലർച്ചെ തീപിടിത്തമുണ്ടായത്. തീപിടിത്തത്തിന്റെ കാരണം വ്യക്തമായിട്ടില്ല. പ്രദേശവാസികളാണ് തീപിടിക്കുന്നത് ആദ്യം കണ്ടത്. ഇവർ അറിയിച്ചതനുസരിച്ച് ഫയർഫോഴ്‌സ് സ്ഥലത്തെത്തി തീയണച്ചു.