നടൻ ജയസൂര്യ അഭിനയിച്ച മലയാള ചിത്രം 'സൂഫിയും സുജാതയും' ഓൺലൈൻ റിലീസിനൊരുങ്ങുന്നു. ആമസോൺ പ്രൈം വഴിയാണ് റിലീസ്. മലയാളത്തിൽ ആദ്യമായാണ് ഒരു സിനിമ ഓൺലൈൻ റിലീസ് ചെയ്യുന്നത്. എന്നാൽ, സിനിമയുടെ ഓൺലൈൻ റിലീസിനെതിരെ ഫിലിം ചേംബർ രംഗത്തെത്തി. തീരുമാനം തിയേറ്റർ ഉടമകൾക്കും സർക്കാരിനും നഷ്ടം വരുത്തിവെക്കുമെന്ന് ഫിലിം ചേംബർ അഭിപ്രായപ്പെട്ടു. ഡിജിറ്റൽ റിലീസിംഗ് അംഗീകരിക്കാനാകില്ലെന്നാണ് ഫിലിം ചേംബറിന്റെ അഭിപ്രായം. ഓൺലൈൻ റിലീസ് വിജയമായാൽ മറ്റ് പല സിനിമകളും ഓൺലൈൻ റിലീസിലേക്ക് പോകാൻ സാധ്യതയുണ്ട്. ഇത് തിയേറ്റർ വ്യവസായത്തെയും സർക്കാരിന്റെ വരുമാനത്തെയും കാര്യമായിത്തന്നെ ബാധിക്കും.