ദുബായ് : ദുബായിൽ ആരോഗ്യ പ്രവർത്തകർക്ക് ആദരവുമായി ദുബായ് ഭരണാധികാരി. കോവിഡിനെതിരെയുള്ള ആരോഗ്യ പ്രവർത്തകരുടെ പോരാട്ടങ്ങൾക്ക് നന്ദി അർപ്പിച്ച് കൊണ്ട് ആരോഗ്യ പ്രവർത്തകയി ഗോൾഡൻ വിസ പ്രഖ്യാപനവുമായി ദുബായ് ഭരണാധികാരി ഷെയ്ഖ് മുഹമ്മദ് ബിൻ റാഷിദ് അൽ മഖ്‌തൂം. രാജ്യത്തെ ആരോഗ്യ വകുപ്പിന്റെ കീഴിൽ പ്രവർത്തിക്കുന്ന ആരോഗ്യ പ്രവർത്തകർക്കാണ് ഈ ആനുകൂല്യം. ഇതിന്റെ ഭാഗമായി രാജ്യത്തെ 212 ഡോക്ടർമാർക്കാണ് ഗോൾഡൻ വിസ നൽകുന്നത്. ദുബായ് ഭരണാധികാരിയുടെ പ്രവർത്തനത്തിന് ആരോഗ്യ വകുപ്പ് ഡയറക്ടർ ഡോക്ടർമാർക്ക് വേണ്ടി നന്ദി അറിയിച്ചു. കോവിഡിനെതിരായ ആരോഗ്യ പ്രവർത്തകരുടെ പ്രതിരോധ പ്രവർത്തനങ്ങൾക്ക് ഈ നടപടി ഉത്തേജനം പകരുമെന്നും അദ്ദേഹം പറഞ്ഞു.