സ്വർണ വില ചരിത്രത്തിലെ ഏറ്റവും വലിയ വിലയിലെത്തി. പവന് 34,400 രൂപയായാണ് ഉയർന്നത്. ഗ്രാമിന് 4,300 രൂപയായി. കഴിഞ്ഞ ദിവസം 34,000 രൂപയിലാണ് വ്യാപാരം നടന്നത്. രാജ്യത്ത് തുടർച്ചയായി മൂന്നാമത്തെ ദിവസമാണ് വില ഉയരുന്നത്. ആഗോള വിപണിയിൽ സ്പോട്ട് ഗോൾഡ് വില ഔൺസിന് 1,730 നിലവാരത്തിലാണ് വ്യാപാരം നടക്കുന്നത്. വിവിധ രാജ്യങ്ങൾ സാമ്പത്തിക ഉത്തേജക പാക്കേജുകൾ പ്രഖ്യാപിക്കുമെന്ന പ്രതീക്ഷയാണ് സ്വർണ വില വീണ്ടും ഉയരാൻ ഇടയാക്കിയത്. വരും ദിവസങ്ങളിലും വില ഉയരാനാണ്‌ സാധ്യത.