തിരുവനന്തപുരം: സംസ്ഥാനത്ത് ഇന്ന് 26 പേർക്ക് കോവിഡ് സ്ഥിരീകരിച്ചു. ഇതിൽ 7 പേർ മറ്റ് സംസ്ഥാനങ്ങളിൽ നിന്ന് എത്തിയവരും 7 പേർ വിദേശത്ത് നിന്നെത്തിയവരാണ്. കാസർകോട് 10, മലപ്പുറം 5, പാലക്കാട് 3, വയനാട് 3, കണ്ണൂർ 2, പത്തനംതിട്ട 1, ഇടുക്കി 1, കോഴിക്കോട് 1 എന്നിങ്ങനെയാണ് ജില്ല തിരിച്ചുള്ള കണക്ക്. മുഖ്യമന്ത്രി വാർത്താസമ്മേളനത്തിൽ അറിയിച്ചതാണ് ഇക്കാര്യം. ഉയർന്ന രോഗനിരക്ക് വിപത്തിന്റെ സൂചയാണ്‌. ഇത് മറികടക്കാമെന്ന് ആത്മവിശ്വാസം ഉണ്ടെന്നും മുഖ്യമന്ത്രി പറഞ്ഞു. മൊത്തം 64 പേർ ചികിത്സയിലുണ്ട്. ഇന്ന് മൂന്നു പേർ രോഗമുക്തി നേടി. സംസ്ഥാനത്തെ ഹോട്ട് സ്പോട്ടുകൾ 15 ആയി കുറഞ്ഞു. യാത്രകളും കൂടിച്ചുചേരലുകളും പരമാവധി ഒഴിവാക്കണമെന്നും മാസ്കും, സാമൂഹിക അകലം പാലിക്കലും ജീവിത ശൈലി ആക്കണമെന്നും മുഖ്യമന്ത്രി പറഞ്ഞു.