തിരുവനന്തപുരം : സർക്കാരിന് ബാർ മുതലാളിമാരുമായി രഹസ്യ ധാരണയെന്നു പ്രതിപക്ഷ നേതാവ് രമേശ് ചെന്നിത്തല. അബ്‌കാരി നിയമത്തിലെ ഭേദഗതിഅഴിമതിക്ക് കളമൊരുക്കാനാണ്. ബാർ മുതലാളിമാരിൽ നിന്നും സർക്കാർ പണം പിരിക്കുന്നതായും അദ്ദേഹം ആരോപിച്ചു. മദ്യം ലഭ്യമാക്കുന്നതിന് ഓൺലൈൻ സമ്പ്രദായം ഏർപ്പെടുത്തിയതിനു പിന്നിൽ വൻഅഴിമതിയുണ്ട്. സ്വകാര്യ ബാർ മുതലാളിമാരെ സഹായിക്കാനാണ് സർക്കാർ അബ്‌കാരി ഭേദഗതി കൊണ്ട് വന്നത്. ഓൺലൈനിൽ മദ്യം നൽകാൻ സർക്കാരിനുള്ളതിനേക്കാൾ മൂന്നിരട്ടി സ്വകാര്യ ഔട്ലെറ്റുകളാണ് അനുവദിക്കുന്നത്. ഇത്തരമൊരു നടപടി ബാർ മുതലാളിമാരുമായി ഒത്തുകളിച്ചുകൊണ്ടാണെന്നും അദ്ദേഹം പറഞ്ഞു.