ദുബായ്: ദുബൈയിൽ കോവിഡ് ബാധിച്ച് ഒരു മലയാളി കൂടി മരിച്ചു. ദുബൈയിൽ വർക് ഷോപ്പ്  ജീവനക്കാരനായിരുന്ന കുന്നംകുളം സ്വദേശി അശോക് കുമാർ (53 ) ആണ് മരിച്ചത്. ചൊവ്വാഴ്ച പുലർച്ചെയായിരുന്നു അന്ത്യം. കഴിഞ്ഞ വർഷം ഫെബ്രുവരിയിലാണ് ഇദ്ദേഹം അവസാനമായി നാട്ടിൽ വന്നിരുന്നത്. ഇത്തവണ അവധിക്കു വരാൻ ടിക്കറ്റ് റെഡിയാക്കി വെച്ചപ്പോഴാണ് ലോക് ഡൗൺ ആയതും യാത്ര മുടങ്ങിയതും. സംസ്കാരം ദുബൈയിൽ തന്നെ നടത്തും.