ന്യൂഡൽഹി : ഹോം ക്വാറന്റൈന് പുതിയ മാർഗനിർദ്ദേശവുമായി കേന്ദ്ര സർക്കാർ. കേന്ദ്ര ആരോഗ്യ മന്ത്രാലയമാണ് പുതിയ മാർഗ്ഗനിർദ്ദേശം പുറപ്പെടുവിച്ചത്. മാർഗരേഖ പ്രകാരം രോഗലക്ഷണം ഇല്ലാത്തവർക്കും, ചെറിയ രോഗ ലക്ഷണം ഉള്ളവർക്കും വീടുകളിൽ ഐസൊലേഷനിൽ കഴിയാം. നിരീക്ഷണത്തിനു ശേഷം ഇവർക്ക് പരിശോധന ആവശ്യമില്ല. രോഗികൾക്ക് കഴിയാനായി വീടുകളിൽ ശുചിമുറിയോടു കൂടിയ റൂം വേണം. രോഗിയെ സഹായിക്കാൻ മുഴവൻ സമവവും ഒരാൾ വേണം. ഇവർ നിരന്തരം ആരോഗ്യ പ്രവർത്തകരുമായി ബന്ധപ്പെടണം എന്നിവയാണ് പ്രധാനപ്പെട്ട നിർദ്ദേശങ്ങൾ. തുടർച്ചയായി 10 ദിവസം പനി ഇല്ലെങ്കിൽ ഹോം ഐസൊലേഷൻ അവസാനിപ്പിക്കാം. രോഗിയും സഹായിയും ട്രിപ്പിൾ ലെയർ മാസ്ക്, ഗ്ലൗസ് എന്നിവ ധരിക്കണം. രോഗിയുടെ സ്ഥിതി മോശമാവുകയാണെങ്കിൽ മാത്രം ആശുപത്രിയിൽ പ്രവേശിപ്പിച്ചാൽ മതിയെന്നും ആരോഗ്യ മന്ത്രാലയം നിർദ്ദേശിക്കുന്നു.