ന്യൂഡൽഹി: ലോക്ഡൗൺ രണ്ടു പ്രാവശ്യം നീട്ടി രാജ്യം അടച്ചിട്ടിട്ടും ഇന്ത്യയിൽ കോവിഡ് ബാധിതരുടെ എണ്ണത്തിൽ വർധന. ഇതുവരെ രോഗം ബാധിച്ചവർ 62000 കടന്നു. കഴിഞ്ഞ 24 മണിക്കൂറിനിടെ രാജ്യത്ത് പുതിയ 3277 കോവിഡ് കേസുകൾ റിപ്പോർട് ചെയ്തു. 128 പേർ മരിച്ചു . രാജ്യത്ത് മൊത്തം കൊറോണ ബാധിതരുടെ എണ്ണം 62 ,939 ആയി.ഇതുവരെ മരിച്ചവരുടെ സംഖ്യ 2109 ആയി. കേന്ദ്ര ആരോഗ്യ മന്ത്രാലയം അറിയിച്ചതനുസരിച്ച് രാജ്യത്തെ കോവിഡ് ബാധിതരുടെ 50 ശതമാനവും അഞ്ച് നഗരങ്ങളിൽ നിന്നാണ്. ദൽഹി, മുംബൈ, പൂനെ, അഹമ്മദാബാദ്, ചെന്നൈ എന്നീ നഗരങ്ങളിലാണ് ഏറ്റവും കൂടുതൽ രോഗികൾ ഉള്ളത്. മുംബൈയിലെ സ്ഥിതി ആശങ്കാജനകമായി തുടരുന്നു.