കോഴിക്കോട്: ലോക് ഡൗൺ ലംഘിച്ച് കട തുടന്ന വ്യാപാരി വ്യവസായി ഏകോപന സമിതി പ്രസിഡന്റ് ടി. നസിറുദ്ദീനെതിരെ പോലീസ് കേസെടുത്തു. കോഴിക്കോട് മിഠായി തെരുവിലെ കട തുറന്ന ഉടനെ പോലീസ് എത്തി അടപ്പിക്കുകയായിരുന്നു. തുടർന്നാണ് കേസെടുത്തത്. നസിറുദ്ദീൻ ഉൾപ്പെടെ അഞ്ച് പേർക്കെതിരെയാണ് കേസ്. ലോക് ഡൗണിൽ മിഠായിത്തെരുവിലും വലിയങ്ങാടിയിലും അവശ്യ സാധനങ്ങൾ വിൽക്കുന്ന കടകൾ മാത്രം തുറന്നു പ്രവർത്തിക്കാനാണ് ജില്ലാ ഭരണ കൂടത്തിന്റെ അനുമതി.
കട തുറക്കരുതെന്ന ഉത്തരവ് നിലനിൽക്കുന്നെങ്കിലും കലക്ടറുമായി ഇക്കാര്യം സംസാരിച്ചപ്പോൾ കട തുറക്കുന്നത് എതിർത്തിരുന്നില്ലെന്നും അതിനാലാണ് കട തുറന്നതെന്നും ടി. നസിറുദ്ദീൻ പ്രതികരിച്ചു.