പാലക്കാട്: അട്ടപ്പാടിയിൽ കോവിഡ് നിരീക്ഷണത്തിലിരുന്ന യുവാവ് മരിച്ചത് കോവിഡ് മൂലമല്ലെന്നു പാലക്കാട് ഡി എം ഒ അറിയിച്ചു. ഇദ്ദേഹത്തിന്റെ കോവിഡ് പരിശോധനാ ഫലം നെഗറ്റീവാണ്. എലിപ്പനി പരിശോധനാ ഫലം രണ്ടു ദിവസത്തിനകം ലഭിക്കുമെന്നും ഡി.എം.ഒ അറിയിച്ചു. ഷോളയൂർ വരഗംപാടി സ്വദേശി കാർത്തിക് ആണ് ഇന്നലെ പനി ബാധിച്ച് മരിച്ചത്. ഇദ്ദേഹം തമിഴ്‌നാട്ടിൽ ബന്ധുവിന്റെ മരണാനന്തര ചടങ്ങിൽ പങ്കെടുത്തു മടങ്ങിയിരുന്നു. തുടർന്ന് വീട്ടിൽ നിരീക്ഷണത്തിൽ കഴിയവെയാണ് മരിച്ചത്.