കരിപ്പൂർ: റിയാദിൽ നിന്നുള്ള പ്രത്യേക വിമാനം കരിപ്പൂരെത്തി. ഇതിൽ രണ്ട് യാത്രക്കാരെ ഐസൊലേഷനിലേക്ക് മാറ്റി. കോവിഡ് ലക്ഷണങ്ങളെ തുടർന്നാണ് ഇവരെ ആശുപത്രിയിലേക്ക് മാറ്റിയത്. ഒരാൾക്ക് ചുമയും മറ്റൊരാൾക്ക് അലർജിയുമാണ് അനുഭവപ്പെട്ടത്. അർബുദത്തിനു ചികിത്സ തേടിയിരുന്ന മറ്റൊരാളെ കോഴിക്കോട് മെഡിക്കൽ കോളേജിൽ തുടർ ചികിത്സക്കായി മാറ്റി. പൂർണ ഗർഭിണിയായ മറ്റൊരാളെ ആശുപത്രിയിൽ പ്രവേശിപ്പിച്ചു. 152 യാത്രക്കാരുമായി റിയാദിൽ നിന്നുള്ള വിമാനം ഇന്നലെ രാത്രി 8 മണിയോടെയാണ് കരിപ്പൂരിൽ ലാൻഡ് ചെയ്തത്.