പാലക്കാട്: അട്ടപ്പാടിയിൽ കോവിഡ് നിരീക്ഷണത്തിലിരുന്ന യുവാവ് പനി ബാധിച്ച് മരിച്ചു. അട്ടപ്പാടി ഷോളയൂർ പഞ്ചായത്തിലെ വരംഗപാടി ഊരിലെ കാർത്തിക് (23 ) ആണ് മരിച്ചത്. വെള്ളിയാഴ്ച്ച പുലർച്ചെയായിരുന്നു അന്ത്യം.
     കഴിഞ്ഞമാസം 28 നു കാർത്തിക് തമിഴ്‌നാട്ടിലെ ബന്ധുവിന്റെ മരണത്തിൽ പങ്കെടുത്തിരുന്നു. കാനന പാതയിലൂടെ നടന്നാണ് ചടങ്ങിൽ പങ്കെടുത്തതും തിരികെ വന്നതും. തുടർന്ന് വീട്ടിൽ നിരീക്ഷണത്തിൽ കഴിയുകയായിരുന്നു. ബുധനാഴ്ച്ച പനിയും വയറിളക്കവും കൂടിയതിനാൽ കോട്ടത്തറ ട്രൈബൽ സ്പെഷ്യലിറ്റി ആശുപത്രിയിലും പിന്നീട് എം. ഇ. എസ്  ആശുപത്രിയിലും കൊണ്ടുപോയി. രോഗം മൂർച്ഛിച്ചതിനാൽ മഞ്ചേരി മെഡിക്കൽ കോളേജിലേക്ക് മാറ്റുന്നതിനിടെയാണ് മരണം സംഭവിച്ചത്. ഇയാളുടെ സ്രവം പരിശോധനക്കായി അയച്ചിട്ടുണ്ട്.