തിരുവനന്തപുരം: സംസ്ഥാനത്ത് കാലവർഷം ഇത്തവണയും കനക്കുമെന്ന് കാലാവസ്ഥാ നിരീക്ഷണ കേന്ദ്രം. കഴിഞ്ഞ വര്‍ഷത്തിന് സമാനമായോ അതില്‍ കൂടുതലോ അളവില്‍ ഇത്തവണ മഴ ലഭിക്കുമെന്നാണ് കാലാവസ്ഥാ നിരീക്ഷണ കേന്ദ്രം വിലയിരുത്തുന്നത്. 

ഇക്കുറി ജൂണ്‍ ഒന്നിന് തന്നെ കാലവര്‍ഷം ഉണ്ടാകും. പ്രധാന നദികള്‍ കരകവിഞ്ഞൊഴുകാന്‍ സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിച്ചിട്ടുണ്ട്. 

അതേസമയം സംസ്ഥാനത്ത് ഇത്തവണ വേനല്‍ മഴ പകുതി പോലും ലഭിച്ചിട്ടില്ല. മാര്‍ച്ച് 1 മുതല്‍ മെയ് 31 വരെ 379.7 മില്ലീലിറ്റര്‍ മഴയാണ് സംസ്ഥാനത്ത് കിട്ടേണ്ടത്. എന്നാല്‍ ആകെ 169.9 മില്ലീ ലിറ്റര്‍ മഴ മാത്രമാണ് ഇതുവരെ ലഭിച്ചത്.