ഗ്രൂപ്പ് ചാറ്റിനിടെ മോശം വാക്കുകൾ ഉപയോഗിച്ച നടനെതിരെ നിയമ നടപടിക്കൊരുങ്ങി നടി രഞ്ജിനി. വാട്സാപ്പ് ഗ്രൂപ്പ് ചാറ്റിനിടെയാണ് താരത്തിനെ മോശം വാക്കുകളാൽ പരാമർശിച്ചത്. വാസുദേവന്‍ എന്ന നാടക നടനെതിരെയാണ് താരം നിയമ നടപടിക്കൊരുങ്ങുന്നത്. 

നടനെതിരെ രഞ്ജിനി പോലീസിൽ പരാതി നൽകി എന്ന വാർത്ത നേരത്തെ പ്രചരിച്ചിരുന്നു. എന്നാൽ താൻ കേസ് കൊടുത്തിട്ടില്ലെന്നും നിയമപരമായ നോട്ടീസ് അയയ്ക്കുക മാത്രമാണ് ചെയ്തതെന്നും താരം വ്യക്തമാക്കി. 

ഇതിലൂടെ നടന് വിശദീകരണം നല്‍കാനുള്ള അവസരമൊരുക്കുകയാണ് ചെയ്തതെന്നും എന്നാല്‍ ഇതുമായി മുന്നോട്ടുപോകാന്‍ കഴിയാത്ത സാഹചര്യത്തില്‍ താന്‍ കേസ് രജിസ്റ്റര്‍ ചെയ്യുമെന്നും രഞ്ജിനി പറഞ്ഞു.