Sunday 16-Aug-2026
നെടുമങ്ങാട് താലൂക്കിലെ ഛാര്ഖണ്ഡ് സ്വദേശികളായ അതിഥി തൊഴിലാളികള് മടങ്ങി
2020-05-02 By Admin
തിരുവനന്തപുരം: നെടുമങ്ങാട് താലൂക്ക് പരിധിയില് വിവിധ സ്ഥലങ്ങളിലായി ജോലി ചെയ്തിരുന്ന ഛാര്ഖണ്ഡ് സ്വദേശികളായ 80 അതിഥി തൊഴിലാളികൾ നാട്ടിലേക്ക് മടങ്ങി.
ഇടക്കാല ക്യാമ്പായി തിരഞ്ഞെടുത്ത ആനാട് എസ്.എന്.വി.എച്ച്.എസ്.എസില് ഇവരെ രാവിലെ 7 മണിയോട് കൂടി എത്തിക്കുകയും രോഗപരിശോധന നടത്തി ഭക്ഷണവും മറ്റ് അടിസ്ഥാന സൗകര്യങ്ങളും ഒരുക്കി 11 മണിയോട് കൂടി 3 കെ.എസ്.ആര്.ടി.സി ബസുകളിലായി 2 മണിക്കുള്ള സ്പെഷ്യല് ട്രയിനില് പോകാനായി റയില്വേസ്റ്റേഷനില് എത്തിക്കുകയും ചെയ്തു.
ഗ്രാമപഞ്ചായത്ത് പ്രസിഡന്റ് ആനാട് സുരേഷ്, ജില്ലാ പഞ്ചായത്ത് അംഗം ആനാട് ജയന്, ബ്ലോക്ക് പഞ്ചായത്ത് അംഗം ആര്.ജെ മഞ്ചു, ഡി.വൈ.എസ്.പി സ്റ്റുവേര്ഡ് കീലന്, തഹസില്ദാര് എം.കെ അനില്കുമാര്, സി.ഐ. അജയകുമാര്, രാജേഷ്, എസ്.ഐ മാരായ സുനില്ഗോപി, ശ്രീകുമാര്, റവന്യൂ അധികാരികള്, ആരോഗ്യ പ്രവര്ത്തകര് എന്നിവരുടെ നേതൃത്വത്തിലാണ് പ്രവര്ത്തനങ്ങള് ഏകോപിപ്പിച്ചത്.