കുവൈറ്റ്: കുവൈറ്റിൽ കുടുങ്ങിക്കിടക്കുന്ന ഇന്ത്യക്കാരെ സ്വന്തം ചിലവിൽ നാട്ടിലെത്തിക്കാമെന്നറിയിച്ച് കുവൈറ്റ്. കുടുങ്ങിക്കിടക്കുന്നവർ, ജോലി നഷ്ടപ്പെട്ടവർ, തൊഴിലാളികൾ എന്നിവരെയാണ് ഇന്ത്യയിലേക്കെത്തിക്കുക. ഇതു സംബന്ധിച്ച്‌ ഇന്ത്യയിലെ കുവൈറ്റ് ഭരണാധികാരി ജാസിം അല്‍ നജീം വിദേശകാര്യ മന്ത്രാലയത്തിന് കത്ത് നല്‍കി. 

കഴിഞ്ഞ ആഴ്ച ഇന്ത്യയില്‍ കുടുങ്ങിക്കിടന്നിരുന്ന കുവൈറ്റ് പൗരന്മാരെ കുവൈറ്റ് എയര്‍വേയ്‌സ് എയര്‍ലൈന്‍സ് വഴി നാട്ടിലേക്ക് തിരിച്ചയച്ചിരുന്നു. ഒപ്പം 15 അംഗ വൈദ്യ സംഘത്തെയും മെ‍ഡിക്കല്‍ ഉപകരണങ്ങളും സഹിതം പ്രത്യേക സൈനിക വിമാനത്തില്‍ ഇന്ത്യ കുവൈറ്റിലേക്ക് അയച്ചിരുന്നു.