തിരുവനന്തപുരം: രണ്ട് പേർക്ക് കൊവിഡ് ബാധിച്ച സാഹചര്യത്തിൽ നെയ്യാറ്റിൻകര മുനിസിപ്പാലിറ്റിയിലെ 1, 2, 3, 4, 5, 37,40, 41, 42, 43,44 എന്നീ വാർഡുകളെ ഇന്നലെ ഹോട്ട്സ്പോട്ടുകളായി പ്രഖ്യാപിച്ചിരുന്നു. 

എന്നാൽ കന്യാകുമാരി ജില്ലയിൽ കൊവിഡ് വ്യാപനം തുടരുകയും അന്തർ സംസ്ഥാന യാത്ര വർദ്ധിക്കുകയും ചെയ്യുന്ന സാഹചര്യത്തിൽ മനുഷ്യർ ഇവിടേക്ക് വരുന്നത് പരിമിതപ്പെടുത്തേണ്ടതുണ്ട്. 

ഇതിനാൽ കന്യാകുമാരി ജില്ലയുമായി അതിർത്തി പങ്കിടുന്ന അമ്പൂരി, കുന്നത്തുകാൽ, പാറശ്ശാല, വെള്ളറട, കുളത്തൂർ, കാരോട് എന്നീ പഞ്ചായത്തുകളെയും നെയ്യാറ്റിൻകര മുനിസിപ്പാലിറ്റിയോട് ചേർന്നുള്ള അതിയന്നൂർ, ബാലരാമപുരം എന്നീ പഞ്ചായത്തുകളെയും ഹോട്ട് സ്പോട്ടുകളായി പ്രഖ്യാപിച്ചു. 

തിരുവനന്തപുരം കോർപ്പറേഷനെ ഹോട്ട് സ്പോട്ട് പട്ടികയിൽ നിന്നും സംസ്ഥാന സർക്കാർ നീക്കം ചെയ്‌ത സാഹചര്യത്തിൽ അമ്പലത്തറയും കളിപ്പാൻകുളവും ഇനി മുതൽ ഹോട്ട് സ്പോട്ടുകൾ ആയിരിക്കില്ലെന്ന് കളക്ടർ അറിയിച്ചു.