ക്രിക്കറ്റിലെ ഏത് ഫോർമാറ്റ് ആണ് ഏറെയിഷ്ടം എന്ന റിച്ചാര്‍ഡ് ഹാഡ്‍ലിയുടെ ചോദ്യത്തിന് ക്രിക്കറ്റിലെ എല്ലാ ഫോര്‍മാറ്റും തനിക്കിഷ്ടമാണെന്ന് പറഞ്ഞ് റോസ് ടെയിലര്‍. 

താന്‍ ട്വന്റി-20 ക്രിക്കറ്റ് ഏറെ ആസ്വദിച്ചാണ് കളിക്കുന്നതെന്ന് പറഞ്ഞ താരം തനിക്ക് ഏറ്റവും അനുയോജ്യമായ ഫോര്‍മാറ്റ് ഏകദിനമാണെന്നും കൂട്ടിച്ചേർത്തു. 

തന്റെ പ്രകടനങ്ങള്‍ വെച്ച്‌ നോക്കിയാല്‍ ഏകദിനമാണ് താന്‍ ഏറ്റവും അധികം തിളങ്ങുന്ന ഫോർമാറ്റെന്നും തനിക്ക് അനുയോജ്യമായതും അവ തന്നെയാണെന്നും റോസ് ടെയിലര്‍ പറഞ്ഞു. എന്നാല്‍ ഒരു ക്രിക്കറ്റര്‍ പരിപൂര്‍ണ്ണനാകുന്നത് അത് ടെസ്റ്റ് ക്രിക്കറ്റില്‍ വിജയിക്കുമ്പോഴാണെന്നും ടെയ്‌ലർ വ്യക്തമാക്കി.