തിരുവനന്തപുരം: സംസ്ഥാനത്ത് ഇന്ന് 2 പേർക്ക് കൂടി കൊവിഡ് സ്ഥിരീകരിച്ചു. 14 പേരുടെ ഫലം ഇന്ന് നെഗറ്റീവ് ആയിട്ടുണ്ട്. മലപ്പുറം, കാസർഗോഡ് എന്നീ ജില്ലകളിലാണ് ഇന്ന് കൊവിഡ് സ്ഥിരീകരിച്ചത്. ഒരാൾക്ക് സമ്പർക്കം വഴിയാണ് രോഗം സ്ഥിരീകരിച്ചത്. ഒരാൾ മഹാരാഷ്ട്രയിൽ നിന്നെയുമെത്തിയ ആളാണ്. 

പാലക്കാട്-4, കൊല്ലം-3, കാസർഗോഡ്- 2, കണ്ണൂർ-2, പത്തനംതിട്ട, മലപ്പുറം ,കോഴിക്കോട് എന്ന്നിവിടങ്ങളിൽ ഓരോരുത്തരുടെ വീതം ഫലങ്ങളാണ് ഇന്ന് നെഗറ്റീവ് ആയത്. 497 പേർക്ക് ഇതുവരെ സംസ്ഥാനത്ത് കൊവിഡ് സ്ഥിരീകരിച്ചു. നിലവിൽ ആകെ ചികിത്സയിൽ കഴിയുന്നവർ 111 പേരാണ്. ഇന്ന് 95 പേരെയാണ് ആശുപത്രിയിൽ പ്രവേശിപ്പിച്ചത്.

20,711 പേർ നിലവിൽ നിരീക്ഷണത്തിൽ കഴിയുന്നുണ്ട്. 20,285 പേർ വീടുകളിൽ നിരീക്ഷണത്തിലാണ്. 426 പേർ ആശുപത്രികളിലും നിരീക്ഷണത്തിൽ കഴിഞ്ഞ് വരുന്നു. ഇതുവരെ 25973 സാമ്പിളുകളാണ് പരിശോധനക്കയച്ചത്. അതിൽ 25135 പേരുടെ ഫലവും നെഗറ്റീവ് ആണ്.