തിരുവനന്തപുരം: തലസ്ഥാനത്ത് മഴക്കാല ശുചീകരണ പ്രവർത്തനങ്ങൾ വേഗത്തിലാക്കുമെന്ന് കളക്ടർ കെ ഗോപാലകൃഷ്‌ണൻ അറിയിച്ചു. വേനൽ മഴ ശക്തമായ സാഹചര്യത്തിൽ രൂപപ്പെട്ട വെള്ളക്കെട്ടും മറ്റും ഒഴിവാക്കാനുള്ള പ്രവർത്തനങ്ങൾ തുടങ്ങി. 

ഓടകളും കനാലുകളും അടിയന്തിരമായി ശുചീകരിക്കും.ഇതോട് അനുബന്ധിച്ചു തിരുവനന്തപുരം കോർപ്പറേഷൻ പരിധിയിലെ പഴവങ്ങാടി, പട്ടം,കണ്ണമ്മൂല കനാലുകൾ ശുചീകരിച്ചു നീരൊഴുക്ക് സുഗമമാക്കും.മഴക്കാല സുരക്ഷാ മുൻകരുതലിന്റെ ഭാഗമായി അപകടകരമായ നിലയിലുള്ള മരങ്ങളും ശിഖരങ്ങളും മുറിച്ചു മാറ്റും. 

മരം മുറിക്കുന്നതിന് ഉണ്ടാകുന്ന ചെലവ് അതത് വകുപ്പുകള്‍ തന്നെ വഹിക്കണം. ജീവനക്കാരുടെ അനാസ്ഥ മൂലം മരം വീണ് ജീവഹാനി സംഭവിച്ചാൽ നഷ്ടപരിഹാരം ബന്ധപ്പെട്ട ജീവനക്കാരിൽ നിന്നും ഈടാക്കും. കെ.എസ്.ഇ.ബി വൈദ്യുതി ലൈനിലെ അറ്റകുറ്റപ്പണികള്‍ മഴക്കാലത്തിനു മുന്‍പ് പൂര്‍ത്തിയാക്കും.

ലോക്ക്ഡൗൺ തുടരുന്ന അവസ്ഥയിൽ ശുചീകരണ, സുരക്ഷാ പ്രവർത്തനങ്ങളിൽ ഏർപ്പെട്ടിരിക്കുന്നവർക്ക്‌ പാസ്സുകൾ അനുവദിക്കുമെന്നും കളക്ടർ അറിയിച്ചു.