നടൻ ഇർഫാൻ ഖാൻ(53) അന്തരിച്ചു. മുംബൈയിലെ സ്വകാര്യ ആശുപത്രിയിലായിരുന്നു അന്ത്യം. ഏറെ നാളായി അർബുദ ബാധിതനായി ചികിത്സയിലായിരുന്നു. കുടലിലെ അണുബാധയെ തുടർന്ന് കഴിഞ്ഞ ദിവസമാണ് ഇദ്ദേഹത്തെ ആശുപത്രിയിൽ പ്രവേശിപ്പിച്ചത്. 

ഹോളിവുഡ് ചിത്രങ്ങളിൽ സഹിതം അഭിനയ മികവ് തെളിയിച്ച ഹിന്ദി നടനാണ് ഇർഫാൻ ഖാൻ. 1988 ൽ മീര നായർ സം‌വിധാനം ചെയ്ത സലാം ബോം‌ബേ എന്ന ചിത്രത്തിലാണ് ആദ്യമായി അഭിനയിക്കുന്നത്. 

ഹിന്ദിയിലെ ആദ്യ സിനിമ 2005 ല്‍ അഭിനയിച്ച രോഗ് എന്ന സിനിമയാണ്. ലൈഫ് ഓഫ് പൈ, ലൈഫ് ഇൻ എ മെട്രോ തുടങ്ങി അനേകം ചിത്രങ്ങളിൽ വേഷമിട്ടു.