മലയാളികളുടെ പ്രിയപ്പെട്ട നടിയാണ് മീന. ബാല്യകാലത്തിൽ തന്നെ സിനിമയിൽ അരങ്ങേറ്റം നടത്തിയ മീന മലയാളത്തിലും തമിഴിലുമടക്കം നിരവധി ചിത്രങ്ങളിലാണ് വേഷമിട്ടിട്ടുള്ളത്. 

ഇപ്പോൾ മീനയുടെയും മകൾ നൈനികയുടേയും ചിത്രങ്ങൾ പങ്കുവച്ചിരിക്കുകയാണ് താരം. ഇരുവരുടെയും ബാല്യകാല ചിത്രങ്ങളാണ് നടി പോസ്റ്റ് ചെയ്തിരിക്കുന്നത്. 

ഈ ചിത്രങ്ങളിൽ രണ്ട് പേരും തമ്മിൽ വലിയ സാമ്യമാണുള്ളത്. നിമിഷ നേരം കൊണ്ടാണ് ചിത്രം വൈറലായത്. നിരവധി രസകരമായ കമന്റുകളുമായി ആരാധകരും ചിത്രം ഏറ്റെടുത്തു. 

വിജയ് നായകനായ 'തെരി' എന്ന ചിത്രത്തിലൂടെയാണ് നൈനിക സിനിമയിൽ അരങ്ങേറ്റം നടത്തിയത്. നിരവധി പുരസ്കാരങ്ങളും ചിത്രത്തിലെ അഭിനയത്തിന് കുഞ്ഞു നൈനികയ്ക്ക് ലഭിച്ചിരുന്നു.