തിരുവനന്തപുരം: വർക്കലയിൽ കൊവിഡ് പോസിറ്റീവ് ആയ രോഗി ക്വാറന്റൈൻ ലംഘിച്ചു. കഴിഞ്ഞ മാർച്ച് 20 ന് ഷാർജയിൽ നിന്നും തിരുവനന്തപുരത്ത് എത്തിയ ഇയാൾ നിരീക്ഷണത്തിൽ കഴിഞ്ഞില്ല. 

പുത്തന്‍ ചന്തയിലെ വീട്ടിലെത്തിയ ശേഷം കുടുംബത്തോടെ ആശുപത്രിയില്‍ പോയി. മാര്‍ച്ച് 29 ന് മെഡിക്കല്‍ കോളേജ് ആശുപത്രിയിലും എസ്.എ.ടി ആശുപത്രിയിലും ഇയാൾ കുടുംബത്തോടൊപ്പം  പോയതായി വിവരം ലഭിച്ചു. വിദേശത്ത് നിന്നെത്തി 34 ദിവസത്തിന് ശേഷം ഏപ്രിൽ 23 നാണ് ഇയാൾക്ക് രോഗം സ്ഥിരീകരിക്കുന്നത്. 

14 ദിവസത്തെ ക്വാറന്റൈൻ പാലിച്ചതിനു  ശേഷമാണ് താൻ  പുറത്തു കടന്നതെന്നാണ് രോഗി വെളിപ്പെടുത്തിയിരുന്നത്. എന്നാൽ റൂട്ട് മാപ്പ് പൂര്‍ണ്ണമായും വിശദമായും തയ്യാറാക്കിയതോടെയാണ് ഇയാള്‍ ആശുപത്രിയിലടക്കം പല സ്ഥലങ്ങളിലും സന്ദര്‍ശനം നടത്തിയതായി അറിഞ്ഞത്. ഇതോടെ കുടുംബത്തെയൊന്നാകെ നിരീക്ഷണത്തിൽ തുടരാൻ നിർദ്ദേശിച്ചിരിക്കുകയാണ്.