വിവാഹ ചടങ്ങുകൾക്കായി മാറ്റിവച്ച തുക ദുരിതാശ്വാസനിധിയിലേക്ക് നൽകിയ നടൻ മണികണ്ഠന് അഭിനന്ദനവുമായി ഹരീഷ് പേരടി. ഒരു മാസത്തെ ശമ്പളം സർക്കാരിന്റെ ദുരിതാശ്വാസനിധിയിലേക്ക് നൽകണമെന്ന സർക്കാർ ഉത്തരവ് കത്തിച്ച അധ്യാപകരെ വിമർശിക്കുകയും ചെയ്യുന്നുണ്ട് താരം. ഫെയ്‌സ്ബുക്കിലാണ് ഹരീഷ് തന്റെ പ്രതികരണം പങ്കുവച്ചത്. 

പോസ്റ്റിന്റെ പൂർണ്ണരൂപം

മാസവരുമാനത്തിലെ ഒരു പങ്ക് ദുരിതകാലത്തെ നേരിടാൻ സർക്കാർ ചോദിച്ചപ്പോൾ ആ സർക്കാർ ഉത്തരവ് കത്തിച്ച അദ്ധ്യാപക വർഗ്ഗത്തിന് ഇനി മണികണ്ഠന്റെ അടുത്ത് ധൈര്യമായി ട്യൂഷന് പോവാം ...തന്റെ വിവാഹ ചിലവിന്റെ തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയത മണികണ്ഠന്റെ അടുത്ത് പോയി സാമൂഹ്യബോധം പഠിച്ചതിനുശേഷം മാത്രമെ ഈ കത്തിക്കൽ കൂട്ടം വിദ്യാർത്ഥി സമൂഹത്തെ അഭിമുഖികരിക്കാൻ പാടുകയുള്ളു...

മണികണ്‌ഠാ നാടകക്കാരാ നി കല്യാണം മാത്രമല്ല കഴിച്ചത്...കേരളത്തിന്റെ പൊതുബോധത്തെ ഉയർത്തിപിടിക്കുന്ന ഒരു യഥാർത്ഥ അദ്ധ്യാപകനായി മാറുക കൂടിയാണുണ്ടായത്...ആശംസകൾ ...കമ്മട്ടിപാടത്തിലെ ബാലന്റെ ഡയലോഗ് എനിക്കിപ്പോഴാണ് പറയാൻ തോന്നുന്നത്..."കൈയ്യടിക്കെടാ" ..