ദോഹ: ജനങ്ങൾക്ക് മാസ്ക് നിർബന്ധമാക്കി ഖത്തർ സർക്കാർ. സാധനങ്ങൾ വാങ്ങാനും മറ്റുമായി പൊതു സ്ഥലങ്ങളിൽ പോകുന്നവരും സേവന മേഖലയില്‍ ജോലി ചെയ്യുന്നവരും നിർമ്മാണ മേഖലയിലെ തൊഴിലാളികളും മാസ്‌ക് നിര്‍ബന്ധമായും ധരിക്കണമെന്ന് ഖത്തര്‍ സര്‍ക്കാര്‍ അറിയിച്ചു. 

പൊതുജനങ്ങള്‍ക്ക് സേവനം നല്‍കുന്ന ജോലിയിലേര്‍പ്പെടുന്ന സ്വകാര്യ- സര്‍ക്കാര്‍ മേഖലകളിലെ ജീവനക്കാരും മാസ്ക് ധരിക്കണം. വരുന്ന ഞായറാഴ്ച മുതലാണ് ഖത്തറിൽ ഇത് പ്രാബല്യത്തിൽ വരിക. 

നിർദ്ദേശം ലംഘിക്കുന്നവർക്ക് 3 വർഷം തടവും 2 ലക്ഷം റിയല്‍ വരെ പിഴയോ ലഭിക്കുമെന്നും സർക്കാർ വ്യക്തമാക്കി. രാജ്യത്ത് ഇതുവരെ 8225 പേർക്കാണ് കൊവിഡ് സ്ഥിരീകരിച്ചിട്ടുള്ളത്. ഇതില്‍ 10 പേര്‍ മരണപ്പെട്ടു.