ലണ്ടന്‍: ബ്രിട്ടനില്‍ കൊവിഡിനെതിരായ വാക്സിന്‍ മനുഷ്യരില്‍ പരീക്ഷിച്ചു തുടങ്ങി. ഓക്സ്ഫഡില്‍ നടക്കുന്ന പരീക്ഷണത്തില്‍ ഇന്‍ജക്ഷന്‍ സ്വീകരിക്കാന്‍ എണ്ണൂറ് വോളന്റിയര്‍മാര്‍ സന്നദ്ധത അറിയിച്ചിട്ടുണ്ട്. ഇതില്‍ രണ്ട് പേര്‍ക്കാണ് ആദ്യ ഘട്ടത്തില്‍ വാക്സിന്‍ നല്‍കിയിരിക്കുന്നത്. 

400 പേർക്കാണ് വാക്സിൻ നൽകാൻ ഉദ്ദേശിക്കുന്നത്. ബാക്കി 400 പേര്‍ക്ക് മെനിഞ്ജൈറ്റിസിനെതിരായ വാക്സിനായിരിക്കും നല്‍കുക. ഏതു വാക്സിനാണ് സ്വീകരിക്കുന്നതെന്ന് വോളന്റിയര്‍മാര്‍ക്ക് അറിയാന്‍ കഴിയില്ല. എന്നാല്‍, ഡോക്ടര്‍മാരുടെ പക്കല്‍ ഇതിന്റെ ലിസ്റ്റുണ്ടാകും. 

ഓക്സ്ഫഡ് യൂണിവേഴ്സിറ്റി സംഘം മൂന്നു മാസം കൊണ്ടാണ് വാക്സിന്‍ വികസിപ്പിച്ചെടുത്തത്. ജര്‍മനിയും കഴിഞ്ഞ ദിവസം വാക്സിന്റെ ക്ലിനിക്കൽ ട്രയലിന് തുടക്കം കുറിച്ചിരുന്നു.