ഓൺലൈൻ ഫുഡ് ഡെലിവറി കമ്പനിയായ സൊമാറ്റോ തങ്ങളുടെ എല്ലാ ജീവനക്കാരോടും ആരോഗ്യ സേതു മൊബൈൽ ആപ്ലിക്കേഷൻ ഉപയോഗിക്കാൻ നിർദ്ദേശിച്ചു. കൊറോണ വൈറസ് കേസുകൾ കണ്ടെത്തുന്നതിന് സർക്കാർ വികസിപ്പിച്ചെടുത്ത ഒരു കോൺടാക്റ്റ് ട്രെയ്‌സിംഗ് ആപ്ലിക്കേഷനാണ് ആരോഗ്യ സേതു. 

കൊവിഡ് പോസിറ്റീവ് രോഗികളുമായി ബന്ധപ്പെട്ടിട്ടുണ്ടോ എന്നറിയാൻ ഇത് സഹായിക്കുമെന്നതിനാൽ തങ്ങളുടെ ജീവനക്കാർക്കും ഡെലിവറി പങ്കാളികൾക്കുമായി ആപ്ലിക്കേഷൻ നിർബന്ധമാക്കിയിട്ടുണ്ടെന്ന് സോമാറ്റോ സ്ഥാപകൻ ദീപീന്ദർ ഗോയൽ അറിയിച്ചു. 

വൈറസ് വ്യാപനം തിരിച്ചറിയുന്നതിനായി ഇത്തരത്തിൽ ഒരു ആപ്ലിക്കേഷൻ രൂപീകരിച്ചതിൽ സർക്കാരിനെ അഭിനന്ദിച്ച് മൈക്രോസോഫ്റ്റ് സ്ഥാപകൻ ബിൽ ഗേറ്റ്സ് രംഗത്തെത്തിയിരുന്നു.