അന്താരാഷ്ട്ര തലത്തിൽ ട്വന്റി-ട്വന്റി യിൽ ഏറ്റവും കൂടുതൽ അർദ്ധസെഞ്ചുറി നേടുന്ന താരം എന്ന റെക്കോഡ് ഇന്ത്യയുടെ വൈസ് ക്യാപ്റ്റൻ രോഹിത് ശർമ്മയ്ക്ക് സ്വന്തം. ന്യൂസിലന്റിനെതിരായ അവസാന മത്സരത്തിലെ അർദ്ധസെഞ്ചുറിയോടെയാണ് റെക്കോഡ് നേട്ടം രോഹിത് സ്വന്തമാക്കിയത്. 

ട്വന്റി-ട്വന്റിയിലെ രോഹിതിന്റെ ഇരുപത്തിയഞ്ചാം അർദ്ധസെഞ്ചുറിയായിരുന്നു കഴിഞ്ഞ ദിവസം പിറന്നത്. 24 അർദ്ധസെഞ്ചുറികൾ ഇന്ത്യക്കായി നേടിയ വിരാട് കോഹ്‌ലിയുടെ റെക്കോഡാണ് രോഹിത് മറികടന്നത്. 41 പന്തുകളിൽ നിന്നായി 60 റൺസുമായി പുറത്താകാതെ നിന്ന രോഹിത് പേശീവലിവ് കാരണം കളിയിൽ നിന്ന് പിന്മാറുകയായിരുന്നു.