ചെന്നൈ: ഇനി മുതൽ ജൂലൈ ൧൮ തമിഴ്‌നാട് ദിനമായി ആചരിക്കുമെന്ന് മുഖ്യമന്ത്രി സ്റ്റാലിൻ. ഇത് സംബന്ധിച്ച ഉത്തരവ് ഉടൻ പുറപ്പെടുവിക്കും. ദ്രാവിഡർ കടകം പ്രസിഡന്റ് കെ.വീരമണി, ദ്രാവിഡ ഇഴക്ക തമിഴ് പാർവതി ജനറൽ സെക്രട്ടറി ശുഭ വീരപാണ്ഡ്യൻ, തമിഴ് ഉണർവളവർകൾ എന്നിവരുടെ നിവേദനത്തിന്റെ അടിസ്ഥാനത്തിലാണ് തീരുമാനം. 1967 ജൂലൈ 18 ൽ മുൻ തമിഴ്‌നാട് മുഖ്യമന്ത്രിയായ അണ്ണാദുരൈ മദ്രാസ് സംസ്ഥാനത്തിന്റെ പേര് മാറ്റി തമിഴ്‌നാട് എന്നാക്കി മാറ്റിയതിന്റെ ഓർമ്മ പുതുക്കുന്നതിന്റെ ഭാഗമായാണ് ഈ ദിവസം തമിഴ്‌നാട് ദിനമായി ആചരിക്കേണ്ടത് എന്നാണ് ഇവർ അഭിപ്രായപ്പെടുന്നതെന്നും സ്റ്റാലിൻ വ്യക്തമാക്കി. എന്നാൽ ഇതിനെ വിമർശിച്ച് എഐഎഡിഎംകെ രംഗത്തെത്തി.