കൊൽക്കത്ത: ബംഗാളിലെ റായ്ഗഞ്ച് ബിജെപി എംഎൽഎ തൃണമൂൽ കോൺഗ്രസ്സിൽ ചേർന്നു. എംഎൽഎയായ കൃഷ്ണ കല്യാണിയാണ് ബിജെപി വിട്ട് തൃണമൂലിൽ ചേർന്നത്. മേയിൽ തെരഞ്ഞെടുപ്പ് ഫലം വന്ന ശേഷം ബിജെപി വിട്ട് തണമൂലിൽ ചേരുന്ന അഞ്ചാമത്തെ ബിജെപി എംഎൽഎയാണ് ഇദ്ദേഹം. നിയമസഭാ തെരഞ്ഞെടുപ്പിന് തൊട്ടു മുൻപാണ് കൃഷ്ണ കല്യാണി തൃണമൂൽ വിട്ട് ബിജെപിയിൽ ചേർന്നത്. മുകുൾ റോയ്, തന്മയി ഘോഷ്, ബിശ്വജിത് ദാസ്, സൗമെൻ റോയ് എന്നിവരാണ് ഇതിനു മുൻപ് തൃണമൂലിൽ ചേർന്നത്.