ന്യൂഡല്‍ഹി: രാജ്യവ്യാപകമായി നടക്കുന്ന കൊവിഡ് വാക്‌സിനേഷന്‍ ഡ്രൈവിന് കീഴില്‍ ഇന്ത്യ 80.85 കോടിയിലധികം വാക്‌സിന്‍ ഡോസുകള്‍ നല്‍കിയിട്ടുണ്ടെന്ന് ആരോഗ്യ കുടുംബക്ഷേമ മന്ത്രാലയം. മാര്‍ച്ചിന് ശേഷമുള്ള രാജ്യത്തെ ഏറ്റവും കുറവ് രോഗബാധിതരാണ് നിലവിലുള്ളത്. ഇന്ത്യയിലെ സജീവ കേസുകള്‍ 3,18,181 ആണ്, ഇത് 183 ദിവസത്തെ ഏറ്റവും കുറഞ്ഞ നിരക്കാണ്. കഴിഞ്ഞ 24 മണിക്കൂറിനുള്ളില്‍ രാജ്യത്ത് 30,256 പുതിയ കേസുകള്‍ രേഖപ്പെടുത്തിയത്. കഴിഞ്ഞ 24 മണിക്കൂറിനുള്ളില്‍ 43,938 രോഗികള്‍ സുഖം പ്രാപിച്ചത്. 55.36 കോടിയിലധികം ടെസ്റ്റുകള്‍ രാജ്യത്ത് ഇതുവരെ നടത്തി. കഴിഞ്ഞ 21 ദിവസങ്ങളില്‍ പ്രതിദിന പോസിറ്റിവിറ്റി നിരക്ക് 3 ശതമാനത്തില്‍ കുറവാണ്.