Sunday 16-Aug-2026
സംസ്ഥാനത്ത് പുതിയ ലോക്ക്ഡൗണ് മാര്ഗനിര്ദ്ദേശങ്ങള് ഇന്ന് മുതല് നടപ്പാകും
2021-08-05 By Admin
തിരുവനന്തപുരം: സംസ്ഥാനത്ത് പുതിയ ലോക്ക്ഡൗണ് മാര്ഗനിര്ദ്ദേശങ്ങള് ഇന്ന് മുതല് നടപ്പാകും. ഇത് സംബന്ധിച്ച ഉത്തരവ് സര്ക്കാര് പുറത്തിറക്കി. ടിപിആറിന് പകരം ഇനി മുതല് പ്രതിവാര രോഗബാധ നിരക്ക് അടിസ്ഥാനമാക്കിയാക്കും നിയന്ത്രണങ്ങള്. പുതിയ ഉത്തരവനുസരിച്ച് കടകള്, മാര്ക്കറ്റുകള്, ബാങ്കുകള്,ധനകാര്യസ്ഥാപനങ്ങള്, ഫാക്ടറികള്, മറ്റു വ്യവസായ യൂണിറ്റുകള്, ടൂറിസം കേന്ദ്രങ്ങള് എന്നിവയെല്ലാം തിങ്കള് മുതല് ശനി വരെ തുറക്കാം.
എല്ലാ കടകളിലും ടൂറിസം കേന്ദ്രങ്ങളിലും വാക്സിന് എടുത്ത ജീവനക്കാരുടെ എണ്ണവും ഒരേസമയം പ്രവേശിക്കാവുന്നവരുടെ എണ്ണവും പരസ്യപ്പെടുത്തണം. എല്ലാ സര്ക്കാര് പൊതുമേഖലാ സ്ഥാപനങ്ങളും തിങ്കള് മുതല് വെള്ളി വരെ പ്രവര്ത്തിക്കും. എല്ലാ സ്ഥാപനങ്ങളിലും കൊവിഡ് പ്രോട്ടോക്കോളും സാമൂഹിക അകലവും ഉറപ്പാക്കേണ്ട ബാധ്യത സ്ഥാപന ഉടമയ്ക്ക് ആയിരിക്കും.