Sunday 16-Aug-2026
പാറ ഖനനം: ഹരിത ട്രിബ്യുണൽ ഉത്തരവ് സ്റ്റേ ചെയാൻ വിസമ്മതിച്ച് സുപ്രീംകോടതി
2021-08-04 By Admin
ന്യൂഡല്ഹി: പരിസ്ഥിതി ലോല പ്രദേശങ്ങളില് നിന്നും ജനവാസ കേന്ദ്രങ്ങളില് നിന്നും 200 മീറ്റര് മാറി മാത്രമേ പാറ പൊട്ടിക്കാന് പാടുള്ളൂവെന്ന ഹരിത ട്രിബ്യൂണല് ഉത്തരവ് സ്റ്റേ ചെയ്യാന് സുപ്രീം കോടതി വിസമ്മതിച്ചു. ഹരിത ട്രിബ്യൂണല് ഉത്തരവ് ശരിവെച്ച ഹൈക്കോടതി വിധിക്കെതിരെ ക്വാറി ഉടമകളാണ് സുപ്രീം കോടതിയെ സമീപിച്ചത്. ജസ്റ്റിസ് എ.എം. ഖാന്വില്ക്കര് അധ്യക്ഷനായ ബെഞ്ചാണ് സ്റ്റേ ഉത്തരവ് പുറപ്പടുവിക്കാന് വിസമ്മതിച്ചത്. കൊച്ചി മെട്രോ ഉള്പ്പടെയുള്ള നിര്മ്മാണ പ്രവര്ത്തനങ്ങള്ക്ക് പാറ നല്കുന്നതിന് പ്രയാസം അനുഭവിക്കുന്നതായും ക്വാറി ഉടമകള് കോടതിയെ അറിയിച്ചു. എന്നാല് ഹരിത ട്രിബ്യൂണല് ഉത്തരവിന് എതിരായ ഹര്ജികള് ഓഗസ്റ്റ് 25-ന് പരിഗണിക്കാമെന്നും അതുവരെ ഒന്നും സംഭവിക്കില്ലെന്നും സുപ്രീം കോടതി നിരീക്ഷിച്ചു