Sunday 16-Aug-2026
ടിപിആര് നോക്കി ലോക്ഡൗണ് ഏര്പ്പെടുത്തുന്ന രീതി ശാസ്ത്രീയമല്ല: പ്രതിപക്ഷ നേതാവ്
2021-07-31 By Admin
തിരുവനന്തപുരം:സംസ്ഥാനത്ത് ടിപിആര് നോക്കി ലോക്ഡൗണ് ഏര്പ്പെടുത്തുന്ന രീതി ശാസ്ത്രീയമല്ലെന്ന് പ്രതിപക്ഷ നേതാവ് വി.ഡി. സതീശന്. സര്ക്കാര് പാക്കേജുകള് പ്രഖ്യാപിക്കുന്നു. എന്നാല് പണം മാറ്റിവയ്ക്കുന്നില്ല. പെന്ഷനും മറ്റും എങ്ങനെയാണ് പാക്കേജില് ഉള്പ്പെടുത്തുക. പാക്കേജ് പ്രഖ്യാപനം ആളെ പറ്റിക്കാനെന്നും സതീശന് ആരോപിച്ചു. ലോക്ഡൗണ് മൂലം സംസ്ഥാനത്തിന്റെ സാമ്പത്തിക സ്ഥിതി തകരാറിലായെന്നും അദ്ദേഹം പറഞ്ഞു.
കരുവന്നൂര് സഹകരണ ബാങ്ക് തട്ടിപ്പു കേസില് സര്ക്കാര് അടിയന്തരമായി ചില നിയമനിര്മാണങ്ങള് നടത്തണം. ഇവിടെ നിക്ഷേപിച്ച എല്ലാവരുടെയും തുക തിരിച്ചു നല്കുമെന്ന് സര്ക്കാര് ഉറപ്പു നല്കണം. അല്ലെങ്കില് സഹകരണ മേഖലയിലെ വിശ്വാസ്യത നഷ്ടമാകും. സഹകരണ സ്ഥാപനങ്ങളില് നിക്ഷേപിക്കുന്ന എല്ലാ നിക്ഷേപങ്ങള്ക്കും സുരക്ഷിതത്വം ഉറപ്പാക്കണം. ബാങ്കുകള്ക്ക് എന്തു സംഭവിച്ചാലും പണം എല്ലാവര്ക്കും തിരിക കിട്ടുമെന്ന് ഉറപ്പുണ്ടാകണമെന്നും അദ്ദേഹം പറഞ്ഞു.