Sunday 16-Aug-2026
ദേവികുളം എംഎൽഎയുടെ തെരഞ്ഞെടുപ്പ് റദ്ദാക്കണമെന്ന് ആവശ്യപ്പെട്ട് ഹർജി
2021-07-29 By Admin
ഇടുക്കി: ദേവികുളം എംഎല്എ എ രാജയുടെ തെരഞ്ഞെടുപ്പ് വിജയം റദ്ദാക്കണമെന്നാവശ്യപ്പെട്ട് യുഡിഎഫ് സ്ഥാനാര്ഥിയായി മത്സരിച്ച ഡി കുമാര് ഹൈക്കോടതിയില്. വ്യാജ ജാതി സര്ട്ടിഫിക്കറ്റ് ഹാജരാക്കിയാണ് എ രാജ സംവരണ മണ്ഡലമായ ദേവികുളത്ത് നിന്നും മത്സരിച്ച് ജയിച്ചതെന്നാണ് ആരോപണം.
ദേവികുളം മണ്ഡലം രൂപീകൃതമായത് മുതല് പട്ടികജാതി സംവരണ മണ്ഡലമാണ്. ഇത്തവണ എംഎല്യായ എ രാജ ക്രൈസ്തവ വിഭാഗത്തില്പ്പെട്ടയാളാണെന്നാണ് ഡി കുമാറിന്റെ ആരോപണം. മാട്ടുപ്പെട്ടി കുണ്ടള ഈസ്റ്റ് ഡിവിഷനിലെ സിഎസ്ഐ പള്ളിയില് മാമ്മോദീസാ സ്വീകരിച്ച ദമ്പതിമാരുടെ മകനാണ് രാജ. അദ്ദേഹവും ഇതേ പള്ളിയില് മാമ്മോദീസാ സ്വീകരിച്ച് ക്രൈസ്തവ വിശ്വാസത്തിലാണ് ജീവിക്കുന്നതെന്നും കുമാര് ഹര്ജിയില് ആരോപിക്കുന്നു.