ടോകിയോ: ഒളിമ്പിക് ഉദ്ഘാടന വേദിയില്‍ ദീപം തെളിയിക്കാനായത് തന്റെ കരിയറില്‍ ഇത് വരെയുള്ള ഏറ്റവും വലിയ നേട്ടം ആണെന്ന് ജപ്പാന്‍ ടെന്നീസ് താരം നയോമി ഒസാക്ക. സംശയമില്ലാതെ തന്റെ കരിയറിലെ ഏറ്റവും മഹത്തായ നിമിഷം ഇതാണ് എന്നും ഈ നിമിഷത്തെ കുറിച്ച് പറയാന്‍ തനിക്ക് വാക്കുകള്‍ കിട്ടുന്നില്ല എന്നും സാമൂഹിക മാധ്യമത്തിലൂടെ ഒസാക്ക കുറിച്ചു. ഈ നിമിഷം ലഭിച്ചതില്‍ താന്‍ വളരെ അധികം സന്തോഷവതിയും നന്ദിയുള്ളവമായിരിക്കും എന്നും ഒസാക്ക പറഞ്ഞു. എല്ലാവരോടുമുള്ള സ്‌നേഹവും നന്ദിയും ഒസാക്ക കുറിപ്പില്‍ പങ്ക് വച്ചു.