തിരുവനന്തപുരം: സ്ത്രീ സുരക്ഷ ഉറപ്പുവരുത്തുന്നതിനുള്ള കേരളാപോലീസിന്റെ പുതിയ സംരംഭമായ പിങ്ക് പ്രൊട്ടക്ഷൻ പ്രൊജക്റ്റിന് തിങ്കളാഴ്ച്ച തുടക്കമാകും. രാവിലെ 10.30 ന് പെട്രോൾ സംഘങ്ങൾക്ക് നൽകിയ വാഹനങ്ങളുടെ ഫ്‌ളാഗ് ഓഫ് മുഖ്യമന്ത്രി നിർവഹിക്കും. ഇതോടെ പദ്ധതിക്ക് തുടക്കമാകും. പോലീസ് അസ്ഥാനത്താണ് ചടങ്ങ് നടക്കുക. സ്ത്രീധനവുമായി ബന്ധപ്പെട്ട അവഹേളനങ്ങൾ, സൈബർ അതിക്രമങ്ങൾ, പൊതുഇടങ്ങളിൽ അവഹേളനങ്ങൾ തുടങ്ങിയവ തടയുക തുടങ്ങിയ ലക്ഷ്യത്തോടെയാണ് പദ്ധതി ആരംഭിക്കുന്നത്.