Sunday 16-Aug-2026
കാർഷിക നിയമം: കർഷകർ ബിജെപി നേതാക്കളെ തടഞ്ഞു
2021-07-12 By Admin
ന്യൂഡല്ഹി: കേന്ദ്രസര്ക്കാറിന്റെ കാര്ഷിക നിയമങ്ങള്ക്കെതിരെ പ്രതിഷേധിക്കുന്ന കര്ഷകര് ബിജെപി നേതാക്കളെ വഴിയില് തടഞ്ഞു. കാര്ഷിക നിയമങ്ങളെ പിന്തുണക്കുന്ന ബി.ജെ.പി നേതാക്കളെ വഴി തടയുമെന്ന് കര്ഷകര് പ്രഖ്യാപിച്ചിരുന്നു. ഇതിന്റെ ഭാഗമായി ഹരിയാന ഡെപ്യൂട്ടി സ്പീക്കര് രണ്ബീര് ഗംഗ്വയുടെ കാര് സിര്സ ജില്ലയില് വെച്ച് കര്ഷകര് തടയുകയായിരുന്നു.
കല്ലേറില് കാറിന്റെ ചില്ല് തകര്ന്നെങ്കിലും ആര്ക്കും പരിക്കില്ല. രാജ്യവ്യാപക പ്രതിഷേധത്തിന്റെ ഭാഗമായി ഹരിയാനയുടെ വിവിധ ഇടങ്ങളില് കര്ഷകര് പ്രക്ഷോഭവുമായി തടിച്ചുകൂടിയിരുന്നു. തുടര്ന്ന് സര്ക്കാറിനെതിരെ മുദ്രാവാക്യം വിളിക്കുകയും കാര്ഷിക നിയമങ്ങള് പിന്വലിക്കണമെന്ന് ആവശ്യപ്പെടുകയായിരുന്നു.